6 Port 10/100M, POE Switch, POE RJ45 Port:4*10/100Mbps, Uplink Port:2*10/100Mbps, DC:52V/1.38A, Bandwidth:1.2G Power:Per≤30W&Whole≤72W Data, signal port:1236, Power supply port:1236(+12 -36), Distance:250M Extend:Yes, Agreement:IEEE802.3AT/AF
ახალი ამერიკული ბრენდი CADDX!!!
უსაფრთხოების კომპანია MT-group-მა მიიღო ახალი პროდუქცია მისი ამერიკელი პარტნიორი CADDX.US-დან. CADDX-ი ცნობილია მსოფლიო ბაზარზე როგორც ერთ-ერთი წამყვანი ბრენდი უსაფრთხოების სისტემების თვალსაზრისით, ჩვენკი როგორც მისი ექსკლუზიური წარმომადგენელი საქართველოში და კავკასიის რეგიონში, გთავაზობთ უმაღლესი ხარისიხის უსაფრთხოების სისტემებს.
ტექნიკური ჯგუფი
შპს “MT-group” _ი
არის 2015 წელს ჩამოყალიბებული პროფესიული კადრებით დაკომპლექტებული გუნდი, რომელნიც კვალიფიციურად გაგიწევენ კონსულტაციას, მოგემსახურებიან და შეგარჩევინებენ თქვენთვის სასურველ პროდუქციას.
კვების ბლოკი 12V-5.0A
კვების ბლოკი 12V-3.0A განკუთვნილი სპეციალურად კამერებისთვის 24/7
Click here to read more
2 MP high-performance CMOS
1920 × 1080 resolution
2.8 mm, 3.6 mm, 6 mm fixed focal lens
Day/Night switch
EXIR 2.0, smart IR, up to 20 m IR distance
Switchable TVI/AHD/CVI/CVBS
IP66
ვიდეო დომოფონი კომფორტული შეზღუდული დაშვებისთვის
ვიდეო დომოფონი არის ინტერქომის სისტემის მოწყობილობა, რომელიც მოთავსებულია შენობის შესასვლელთან და მისი მეშვეობით შესაძლებელია შენობაში მყოფ პირებთან დაკავშირება (ხშირ შემთხვევაში შენობაში შესვლის ნებართვის ასაღებად).
ვიდეო დომოფონის მთავარი ფუნქციაა გარეთ მყოფი პიროვნების იდენტიფიცირება და სურვილისამებრ დიალოგის წამოწყებაც, რის შემდეგაც გარეთ მყოფ პიროვნებას მიეცემა ან არ მიეცემა შენობაში შესვლის უფლება.
მოწყობილობა – ვიდეო დომოფონი
ვიდეო დომოფონი შედგება გარე და შიდა გამოყენების ელემენტებისგან: გარე პანელი, რომელიც შენობის შესასვლელთან თავსდება, ელექტრონული საკეტის გამხსნელი და შიდა მონიტორი.
- გარე პანელი მონტაჟდება შესასვლელ კართან ან ჭიშკართან და შეუძლია ფუნქციონირება ნებისმიერი სახის კლიმატში. მას აქვს ღილაკი (ან ღილაკები), რათა განახორციელოთ ზარები (ხშირ შემთხვევაში თითო ღილაკი სხვადასხვა ტელეფონს უკავშირდება), მიკრო კამერა, რომელიც უზრუნველყოფს ღამის ხედვას და მიკროფონი რათა შესაძლებელი იყოს ორმხრივი საუბარი.
- მონიტორი საშუალებას აძლევს შიგნით მყოფ პიროვნებას დაინახოს თავისი სტუმარი, დაელაპარაკოს მას და სურვილისამებრ შემოუშვას შენობაში.
- შენობაში დამონტაჟებული მონიტორი უზრუნველყოფს გარეთ მდგომი პიროვნების გამოსახულების ჩვენებას, აქვს მიკროფონი და ასევე ღილაკი სურვილის შემთხვევაში კარის გასაღებად.
* ვიდეოში აღწერილია Hikvision-ის ჭკვიანი ინტერქომის სისტემა
ავტომატური ოპერაციები
ვიდეო დომოფონის გარე პანელში დამონტაჟებული კამერა ავტომატურად იწყებს გადაღებას და გამოსახულება ჩნდება შენობაში მდებარე მონიტორზე, როცა სტუმარი აწვება გარე პანელის ღილაკს. ეს ერთ-ერთი ყველაზე მოსახერხებელი ფუნქცია ვიდეო დომოფონებში. ამასთან შენობაში მყოფ ადამიანს დისტანციურად, ერთი ღილაკის დაჭერით შეუძლია კარის გაღება ან გარეთ მდგომ პიროვნებასთან საუბრის დაწყება.
კარის გაღების სისტემა წვდომის კონტროლით
ხშირად ვიდეო დომოფონის სისტემაში ინტეგრირებულია დამატებითი დაშვების მოწყობილობები, რომელთა საშუალებით გარეთ მყოფ პირი ავტომატურად იღებს პერიმეტრზე შესვლის უფლებას. მსგავსი გადაწყვეტილებების ყველაზე გავრცელებული სახეებია დაშვების ბარათები, თითის ანაბეჭდი და პაროლები.
ადაპტაციური მოწყობილობა
საკმაოდ ბევრი მოწყობილობა არსებობს იმისთვის, რომ შეზღუდული შესაძლებლობის პირებს გაუადვილოს ცხოვრება. სწორედ ამიტომ ხშირ შემთხვევაში გარე პანელებს აქვთ ხმის ამომცნობი ფუნქციებიც, რომლებიც ავტომატურად აღებენ კარს. სმენადაქვეითეული ადამიანებისთვის გარე პანელს აქვს დიდი ეკრანი, რომელზეც გამოსახულია წარწერები კომუნიკაციის შემთხვევაში.
დასკვნა – ვიდეო დომოფონი
ვიდეო დომოფონი საკმაოდ კომფორტული და სასურველი მოწყობილობაა შეზღუდული დაშვების სისტემისთვის. დომოფონის საშუალებით თქვენ შეგიძლიათ პიროვნების იდენტიფიკაცია, კომუნიკაცია და ამასთან დისტანციურად მისი ტერიტორიაზე შეშვება.
ნახეთ ჩვენს მიერ შემოთავაზებული Hikvision-ის ვიდეო დომოფონი ამ ბმულზე.
4 მიზეზი თუ რატომ უნდა დააყენოთ სახლის უსაფრთხოების კამერა
სახლის უსაფრთხოების კამერები უკვე დიდი ხანია არსებობს ბაზარზე, თუმცა ბოლო რამდენიმე წელია მომხმარებლებმა აქტიურად დაიწყეს მათი დამონტაჟება სახლებში. მიზეზი კი მარტივია, უსაფრთხოების კამერა გაცილებთ უფრო იაფი, ხელმისაწვდომი და მარტივი გამოსაყენებელი გახდა.
1. დააფრთხეთ პოტენციური მძარცველები
სახლში უსაფრთხოების კამერების არსებობა, არის პირველი ნაბიჯი იმისკენ, რომ მძარცველებმა თავი შეიკავონ თქვენი სახლის გაძარცვისგან. სტატისტიკურმა ანალიზმა აჩვენა რომ პოტენციური ძარცვის ალბათობა გაცილებით მცირდება თუ სახლთან სამეთვალყურეო კამერაა დაყენებული. სათვალთვალო კამერით, თქვენ სახლს გაცილებით რთულ სამიზნეს გახდით პოტენციური მძარცველისთვის. შესაბამისად მეტად ეფექტიანი იქნება თუ უსაფრთხოების კამერას მარტივად შესამჩნევ ლოკაციაზე განათავსებთ.
2. დააფიქსირებთ ნებისმიერ პიროვნებას, ვინც თქვენს ტერიტორიაზე იმყოფება
სამეთვალყურეო კამერების ერთ-ერთი ყველაზე კარგი ფუნქციაა გამოგიგზავნოთ შეტყობინება იმ შემთხვევაში თუ თქვენს მონიშნულ ტერიტორიაზე დაფიქსირდა ადამიანის მოძრაობა. შესაბამისად თქვენ წინასწარ მიიღებთ მოახლოებული პიროვნების სურათს, რათა საჭიროების შემთხვევაში დახმარება გამოიძახოთ. მეტიც, ამ ფუნქციის საშუალებით შეძლებთ სავარძლის დატოვების გარეშე გაიგოთ ვინ დარეკა ზარი ახლახან და თავი აარიდოთ არასასურველ სტუმრებს.
3. თვალი ადევნეთ ბავშვებს / საყვარელ ცხოველებს
იმ შემთხვევაში თუ თქვენ გყავთ ბავშვები, უსაფრთხოების კამერა საუკეთესო საშუალებაა მათ სამეთვალყურეოდ. თქვენ ნებისმიერი ლოკაციიდან, სადაც ინტერნეტთან წვდომაა, შეძლებთ გაიგოთ უსაფრთხოდ მივიდნენ თუ არა ბავშვები სახლში ან თვალი ადევნოთ მათ ეზოში თამაშისას.
სამეთვალყურეო კამერები ასევე მოსახერხებელია, როცა თქვენს საყვარელ ცხოველს სახლში მარტო ტოვებთ. ასეთ შემთხვევაში თქვენ შეძლებთ დააკვირდეთ მათ “საიდუმლო ცხოვრებას” ან პირდაპირ რეჟიმში ესაუბროთ კამერაში ჩაშენებული სპიკერის მეშვეობით.
4. გაამყარეთ თქვენი სადაზღვევო სარჩელის მოთხოვნა
ხშირად, სადაზღვევო კომპანიამ, მოხდარი ძარცვის, ბუნებრივი მოვლენის ან ვანდალიზმის შემდეგ დამდგარი ზარალის კომპენსაციისას, შეიძლება გთხოვოთ თქვენს სახლში ყოფილი ნივთების არსებობის ვიზუალური სამხილი. სამეთვალყურეო კამერების საშუალებით თქვენ მარტივად დაამტკიცებთ თქვენი საკუთრების ზუსტ ზარალს და შესაბამისად შეგეძლებათ თვალსაჩინოება წარუდგინოთ სადაზღვევო კომპანიას.
ნახეთ ჩვენს მიერ შემოთავაზებული სამეთვალყურეო კამერები ბმულზე.
EZVIZ C3C გარე გამოყენების WiFi კამერა – მიმოხილვა
WiFi კამერა “იზივიზ” (EZVIZ) C3C
EZVIZ C3C სამეთვალყურეო WiFi კამერა მოსახერხებელია როგორც შიდა ასევე გარე გამოყენებისთვის. კამერასთან დაკავშირება ხდება Wi-Fi-ს მეშვეობით და არ საჭიროებს არანაირ დამატებით კაბელს. EZVIZ-ის მოწყობილობები არის შექმნილი სამომხმარებლო სეგმენტისთვის, რაც ნიშნავს, რომ მათი დაყენება და გამოყენება ყველაზე “არატექნიკურ” პირსაც შეუძლია. EZVIZ-ის კამერასთან დასაკავშირებლად დაგჭირდებათ EZVIZ აპლიკაცია, რომელიც შეგიძლიათ გადმოწეროთ უფასოდ Google Play-დან ან App Store-დან.
ოპტიმალური კუთხე – რეგულირებადი კორპუსის მეშვეობით თქვენ შეძლებთ ოპტიმალური ხედვის კუთხის დაყენებას.
WiFi უსადენო კავშირი – თქვენ არ დაგჭირდებათ ქსელის კაბელის გაყვანა კამერის გამოსაყენებლად.
IP66 სტანდარტის კორპუსი – C3C კამერა დაცულია მტვრისგან და წლისგან, შესაბამისად მისი გამოყენება შეგიძლიათ ნებისმიერ პირობებში (-30ºC -დან + 60ºC -მდე).
ღამის ხედვა – ინფრა წითელი სენსორის საშუალებით კამერა აფიქსირებს გამოსახულებას 30 მეტრის რადიუსში.
სამომხმარებლო ბრენდი “იზივიზი” (EZVIZ)
სამომხმარებლო ბრენდი “იზივიზი” (EZVIZ) შეიქმნა Hikvision-ის, ვიდეო სამეთვალყურეო სისტემების წარმოებაში მსოფლიო ლიდერის მიერ. EZVIZ-ის ბრენდი ფოკუსირებულია სახლის უსაფრთხოების “ჭკვიან” ელექტრო-მოწყობილობებზე, როგორიცაა: WiFi სამეთვალყურეო კამერები, საგანგაშო სისტემები, გარემოს სენსორები და უსაფრთხოების სისტემის სხვა აქსესუარები.
C3C WiFi კამერა – აქტივაციის ნაბიჯები
- ჩამოტვირთეთ EZVIZ აპლიკაცია Android ან iOS სმარტფონებისთვის.
- თუ გსურთ გამოსახულების ჩაწერა, მაშინ კამერაში დაამატეთ MicroSD ბარათი.
- შეუერთეთ USB ადაპტერი კვების ბლოკს.
- დაასკანირეთ კამერაზე მოთავსებული QR კოდი EZVIZ-ის აპლიკაციის მეშვეობით.
- შეიყვანეთ თქვენი სახლის Wi-Fi პაროლი EZVIZ-ის აპლიკაციაში.
- მიჰყევით ეკრანზე მოცემულ ინსტრუქციას, რათა დაიწყოთ ვიდეოს ჩაწერა.
EZVIZ აპლიკაციის საშუალებით თქვენ შეგიძლიათ დაუკავშირდეთ C3C კამერას Wi-Fi-ს მეშვეობით და შეცვალოთ სხვადასხვა პარამეტრი. ამასთან აპლიკაციით შეგიძლიათ პირდაპირ რეჟიმში უყუროთ გამოსახულებას ან მეხსიერების ბარათის ქონის შემთხვევაში ჩაიწეროთ სასურველი კადრები.
დასკვნა – WiFi კამერა EZVIZ C3C
EZVIZ C3C სამეთვალყურეო WiFi კამერა არის ოპტიმალური არჩევანი მათთვის, ვისაც სურს სათვალთვალო კამერის დაყენება ზედმეტი კაბელების გაყვანის და ტექნიკური ინსტალაციის გარეშე. C3C კამერის დაყენება ნებისმიერ პიროვნებას შეუძლია. სულ რაღაც 5 წუთში იგი მზად არის ცოცხალ რეჟიმში ადევნოთ თვალი სასურველ ლოკაციას ან ჩაიწეროთ გამოსახულება სურვილისამებრ. ამისთვის თქვენ დაგჭირდებათ MicroSD ტიპის ბარათი (რომელიც შეგიძლიათ დამატებით შეიძინოთ ჩვენთან -> ამ ბმულზე), რომლის მაქსიმალური მეხსიერების მოცულობა უნდა იყოს 128 GB. დღეში 8 საათის ხანგრძლივობის ვიდეოს ჩაწერის შემთხვევაში, C3C კამერას 32 GB მეხსიერების ბარათით შეუძლია ჩაიწეროს 12 დღე, 64 GB ბარათით 24 დღე, ხოლო 128 GB ბარათის შემთხვევაში 48 დღე.
ნახეთ ჩვენს მიერ შემოთავაზებული EZVIZ-ის სათვალთვალო კამერები ბმულზე.
სპორტული კამერა EZVIZ S1C – მიმოხილვა
ცხოვრებაში საუკეთესო მომენტების დასაფიქსირებლად საჭიროა კამერა, რომლითაც გადაიღებთ ვიდეოს ან ფოტოს ნებისმიერ პორობებში. ქარიშხალში, წვიმაში, წყალ ქვეშ, ზღვის დონიდან 4000 მეტრზე, ოკეანესა თუ უბრალოდ ქალაქის ქუჩებში ლონგბორდით მოძრაობისას თქვენ გჭირდებათ თანამგზავრი, რომელიც დააფიქსირებს თითოეულ ექსტრემალურ მომენტს, რათა შემდგომ თქვენი თავგადასავლები მარტივად გაუზიაროთ სხვებს. სპორტული კამერა EZVIZ S1C სწორედ მსგავსი მომენტებისთვის შეიქმნა.
სამომხმარებლო ბრენდი “იზივიზი” (EZVIZ)
სამომხმარებლო ბრენდი “იზივიზი” (EZVIZ) შეიქმნა Hikvision-ის, ვიდეო სამეთვალყურეო სისტემების წარმოებაში მსოფლიო ლიდერის მიერ. EZVIZ-ის ბრენდი ფოკუსირებულია სახლის უსაფრთხოების “ჭკვიან” ელექტრო-მოწყობილობებზე, როგორიცაა: WiFi სამეთვალყურეო კამერები, საგანგაშო სისტემები, გარემოს სენსორები და მათ შორის სპორტულ კამერებიც. EZVIZ-ის სპორტული კამერა საკმაოდ ოპტიმალურ ალტერნატივას გვთავაზობს მსგავსი კამერების ბაზარზე. სპორტული კამერა EZVIZ S1C GoPro-ს ერთ-ერთ კონკურენტად ითვლება შესაბამის კლასში.
სპორტული კამერა EZVIZ S1C-ის ერთ-ერთი უპირატესობა GoPro-ს იგივე კლასის კამერასთან შედარებით არის თითქმის 2-ჯერ დაბალი ფასი. EZVIZ კამერა იწერს Full HD (1080p) ვიდეოს 30 კადრით წამში (30 fps). ამასთან აქვს 8 მეგაპიქსელიანი ფოტოების მხარდაჭერა, უზრუნველყოფს Burst Mode-ში 15 ფოტო/წამში გადაღებას და Time Lapse ფუნქციას რეგულირებადი ინტერვალებით. S1C აღჭურვილია 2 ინჩიანი დიაგონალის სენსორული ეკრანით და ასფერიული ლინზით.
იზივიზის კამერის ბატარეის ხანგრძლივობა – 2 საათია. კამერაში იდება Micro SD მეხსიერების ბარათი მაქსიმალური 128GB მოცულობით. იზივიზ S1C კამერის მართვა შეგიძლიათ EZVIZ SPORTS აპლიკაციით, რომელიც ხელმისაწვდომია უფასოდ iOS და Android პლატფორმებზე.
დიზაინი და აქსესუარები – სპორტული კამერა EZVIZ S1C
სპორტული კამერა EZVIZ S1C მოთავსებულია საკმაოდ კარგი დიზაინის მქონე ყუთში. შესამჩნევია კამერის ირგვლივ შემოკრული სილიკონისებრი დამცავი. მსგავსი დიზაინი კამერას იცავს ტრანსპორტირების დროს დაზიანებებისგან. კამერის ზომებია 58x45x22 მმ. S1C კამერა ხელმისაწვდომია 4 ფერში: ყვითელი, ცისფერი, ფორთოხლისფერი და ნაცრისფერი.
- წყალგაუმტარი ქეისი
- ბატარეა
- 3M-ის მრუდი ზედაპირის წებოვანი საჭიდი
- 3M-ის სწორი ზედაპირის წებოვანი საჭიდი
- ჭანჭიკის სახელური
- ბრუნვადი ღერძის ასაწყობი
- კავის ფორმის ბალთა
- USB კაბელი
- ლინზის სახურავი კამერისთვის
- ლინზის სახურავი წყალგაუმტარი ქეისისთვის
წყალგაუმტარი ჩარჩო GoPro-ს ტიპის ჩამკეტით არის აღჭურვილი. მისი დამაგრება შეიძლება GoPro-ს ნებისმიერი სახის აქსესუარზე, შესაბამისად კამერის აქსესუარების პოვნა / შეძენა პრობლემას არ წარმოადგენს. ამასთან მოწოდებული ჩარჩოს გამოყენებისას კამერა წყალგამძლეა 40 მეტრის სიღრმეზე.
დასკვნა – სპორტული კამერა EZVIZ S1C
EZVIZ S1C სპორტული კამერა არის მაღალი ხარისხის მოწყობილობა, რომელიც კონკურენტულ ფასად გთავაზობთ GoPro-ს სპორტული კამერის ღირსეულ ალტერნატივას. ამ პროდუქტის დიზაინი მომხმარებელს საშუალებას აძლევს თავად შეარჩიოს სასურველი ფერი. გაიჯანსაღეთ ცხოვრება სპორტული აქტივობებით და დააფიქსირეთ საუკეთესო მომენტები იზივიზის სპორტულ კამერასთან ერთად.
ნახეთ ჩვენს მიერ შემოთავაზებული EZVIZ-ის სათვალთვალო კამერები ბმულზე.
